Specialty ni Aling Cecille

Matandang paniniwala na ang diumano’y pinakamainam na paraan para mabihag ang puso ng lalaki ay sa pamamagitan ng kanyang tiyan. Ibig sabihin dapat ay masarap magluto ang isang babae, lalo na ang mga ginang ng tahanan para lalong mapamahal si mister sa kanila. Subalit sa totoo lang, bihira din naman sa mga kababaihan ang may angking talento sa pagluluto. At isa si Aling Cecille ng Quezon City sa mga biniyayaan ng malawak na kaalaman ukol dito.

Ang pagluluto, katulad ng ibang bagay ay natututuhan sa pamamagitan ng sipag at tiyaga. Dahil sa hilig talaga niya ang magluto, nakakapag-eksperimento siya ng iba’t ibang klaseng putahe. "Self learning through cookbooks, TV demonstration and observation," ‘ika nga niya.

Nanirahan siya sa Amerika, ngunit hindi pagluluto ang kanyang hanapbuhay doon. Manapa’y nagtrabaho siya sa Army Air Force Exchange Services’ purchasing goods department sa isang military service group. Dahil ang buong pamilya niya ay kasama niyang naninirahan doon, natural lamang na siya ang pumapel bilang cook. "I’m a full time worker, mother and a wife," natatawa niyang sabi.

Mula sa taong 1960 - 62 naging cook siya sa canteen ng Philippine Repatriation Center. Sa haba ng taon ng pamamalagi niya sa US, iba’t ibang lutuin ang kaniyang nai-specialized. "Tiyaga at hilig ang kailangan dito," dugtong pa niya.

Napagtapos niyang mapag-aral ang kaniyang limang anak habang siya’y kumakayod katulong ng kaniyang mister, at ang bunso ay patuloy pa rin nilang sinusuportahan.

Balikbayan

Ngayon ay retired na siya sa kanyang serbisyo pagkatapos ng tatlumpu’t-isang taon. Bumalik siya sa Pilipinas, kung saan naisipan niyang magtayo ng maliit na negosyo. Dahil pagluluto ang kaniyang hilig, binigyan siya ng kanyang kumare ng maliit na puwesto sa kanto ng Anonas, Quezon City na may pangalang Marianne’s Snack Bar. Tamang tama ang napili niyang lugar dahil ang nasabing kalye ay isa nang maunlad na commercial area.

Isang taon na ang kainang ito. Ang kaniyang putahe ay kagaya ng iba’t ibang eating joints sa paligid. Araw-araw, iba-iba ang recipes niya para magkaroon ng variety, samantalang pare-pareho naman ang serving sa merienda. Maraming uri ng international cuisine ang alam lutuin ni Aling Cecille kagaya ng Spanish, Japanese, Vietnamese, Filipino at iba pa.

Karamihan sa kaniyang menu ay pagkaing Pinoy. Nagca-cater din siya madalas. Katunayan ay tatlo na ang mga regular customer sa catering na kaniyang pingangasiwaan. Ito ay ang First Montessori, isang environmental office at isang realty office. Simple lang ang kaniyang hinahangad sa negosyo, na maging masaya at kuntento ang kaniyang mga kostumer. Habang kaya pa niya, patuloy niyang bibigyan ng halaga ang kanyang natitirang oras para lalong pagbutihin ang kanyang trabaho. Idagdag pa na nakakatulong siya sa mga walang trabaho sa pagbibigay ng trabaho sa ilang mga helpers sa eatery.

Kaisipan sa negosyo

Ang pagtatayo ng negosyo ay hindi isang biro. Dapat ay nakahanda ka. Mayroon kasabihang "customer is always right," subalit marami rin sa mga iyan ay umaabuso porke alam nilang kostumer sila. Marami diyan ang sumisigaw ng pautos o nambabastos . ‘First come, first serve basis’ naman lagi pero hindi naman sinusunod ng iba. Ang ginagawa niya ay nakikipag-usap ng maayos at humaharap kung hindi na kaya ng kaniyang mga helper. Isa pang kasabihan na madalas niyang mapatunayan ay ‘don’t judge the book by its cover’. "Minsan mayroon hindi inaasahang pangyayari, nang magbabayad na ang kostumer, pusturang pustura pa naman. Pagkatapos siyang bigyan ng mga pagkain, kulang pala ang pambayad.. Minsan naman ay isang mukhang mahirap ang tumambay at naghapunan, ngunit nakapagbayad ng maayos at kumpleto. In business you have to be patient and be aware of your customer," dagdag pa niya para sa mga gustong magnegosyo.

Pagkaing espesyal

Para sumarap ang pagkain, ‘lutong natural at sariwa’ ang sikreto ng malinamanam na putahe. Ordinaryong pampalasa na sangkap lang ang ginagamit katulad ng asin, paminta, high quality soy sauce, at walang artipisyal na halo. Sa pritong isda, dapat ay ibinababad o minarinate muna ng asin, durog na paminta, kalamansi at toyo. Pumili ng mahusay na brand ng toyo katulad ng Kikoman at mga panimpla, para lalong malinamnam ang lutuin. Sa paggawa ng sabaw katulad ng bone marrow, spareribs at iba pa, maglagay ng kaunting luya, sibuyas, paminta, asin at toyo, at pakuluan hanggang maluto.

Dahil gusto ni Aling Cecille na ‘the best’ ang luto ng mga cook na OFW, ibinahagi niya ang kaniyang mga putaheng laging dinadayo, mga instruksyon at nilalaman sa pagluluto ng espesyal na "Bulalo Beef, Pinakbet at Ginisang Mongo." Importanteng tama at piling-pili ang mga ilalahok sa inyong lutuin.

Hatid sa mga OFW na mag-reretire

Hindi maiiwasan sa mga Pilipino na pagkatapos mag-abroad ay pa-easy-easy na lang. Kahit na sa ibang bansa ay magagamit natin ang magagandang ugali ng mga dayuhan. Nai-apply ni Aling Cecille ang pagiging active. "After you retire, you don’t have to be stagnant or put yourself in a rocking chair. Enjoy life. Take care of your health and be contented with life." Nakakalungkot kung maiisip niyang wala na siyang magagawa, "gusto kong mapaikot pa ang aking naipon, make use of what I still have, and make myself useful," pagwawakas niya.

home

The Season Where the Flowers Bloom

Sa Liyab ng Isandaang Sulo

Nakakauhaw, nakakabitak na
El Niño

Specialty ni Aling Cecille

Baguio...the ascending journey

Rosanna Roces...Ligaya ang Magiging Nanay si Selya

In-Side A

Mga Karapatan ng Migranteng Manggagawa

Grupo Pilipino Group of Companies | Message Station | Previous Issue | Cover | Sentenyal | Feature Success | Entertainment | Tourism | POEA/OWWA

KARE- KARENG BUNTOT NG BAKA O PATA

Mga sangkap:

1 buntot ng baka o pata 1 tasang giniling na bigas
10 bunga ng sitaw ½ tasang giniling na lutong mani
1 puso ng saging o kaya p. butter
2 puno ng petsay 1 sibuyas
2 puno ng petsay patis, asin, vetsin
3 talong 1 kutsarang atsuete
3 butil ng bawang

Palambutin ang buntot o pata sa tubig na may kaunting asin. Kapag malambot na ang buntot, hanguin at hiwa-hiwain sa katamtamang laki. Itabi. Igisa ang bawang at sibuyas. Timplahan ng kaunting patis at ihulog ang puso ng saging (malaking piraso ang hiwa). Isahag ang tubig na pinaglagaan ng buntot. Kapag malapit na maluto ang puso ng saging, ihulog ang sitaw (tatlong pulgada ang putol). Magkasabay isama ang talong, (biniyak sa gitna at singhaba ng sitaw ang putol) at petchay (pagdalawahin ang putol ng isang tangkay, dagdagan ang sabaw at papulahin sa pamamagitan ng astuete na ibinabad sa tubig. Palaputin ang sabaw sa pamamagitan ng giling na bigas at mani. Haluin hanggang ilalim sapagkat ang giniling na bigas ay maaaring manikit sa puwit ng kaldero. Sa huli’y isama ang pinalambot na buntot ng baka o pata. Ang saw-sawan nito’y ginisang bagoong na alamang.

Mga sangkap:

1 basong mongo
¼ kilong baboy
1 pirasong sibuyas
3 butil na bawang
1 tali na dahon ng ampalaya

Ilaga nang hiwalay ang mongo sa kaserola hangang sa lumambot. Habang nakasalang ang mongo, pakuluan sa dalawang tasang tubig ang baboy sa kawali hangang sa matuyuan at lumabas ang sariling mantika. Igisa ang bawang hangang sa magkulay kayumanggi. Isunod ang sibuyas, isama na ‘yong mongo sa paggisa at ibuhos ang pinaglagaan ng mongo. Pabayaang kumulo hangang sa maluto. Ilagay sa huli ang dahon ng ampalaya at atsin. Dapat malapot ng kaunti ang sabaw para mas malasa.