owwa

OWWA/POEA

Mga Karapatan ng mga Migranteng Manggagawa

Isang kumbensyon ang isinagawa ng United Nations para itaguyod ang pangangalaga ng mga karapatan ng mga migranteng manggagawa na umaabot sa 125 milyon sa buong mundo.

Ang mga ito ay ang:

Kalayaang umalis mula sa anumang Estado at pumasok at manatili sa Estadong kanyang pinanggalingan;

Karapatang mabuhay;

Proteksyon laban sa pagpapahirap, malupit, di-makatao o mapanghamak na trato o parusa;

Proteksyon laban sa pagkaalipin;

Proteksyon laban sa sapilitang paggawa maliban sa mga pinatawan ng mabigat na parusa;

Kalayaan sa pag-iisip, budhi at relihiyon;

Kalayaan na maghayag at magbigay ng opinyon. Ang karapatang ito ay maaaring supilin sa mga pagkakataong kailangang protektahan ang pambansang seguridad, publikong kaayusan, publikong kalusugan o moral; pag-iwas sa pagpapalaganap ng giyera, ng pagtataguyod ng muhi sa bansa, lahi o relihiyon na nagdudulot ng kaguluhan;

Proteksyon laban sa di-makatwirang panghihimasok sa pribadong buhay, sa pakikipag-ugnayan, komunikasyon;

Karapatan sa ari-arian;

Walang di-makatwirang pagkakait sa ari-arian;

Karapatan sa kalayaan at seguridad ng tao kasama na ang proteksyon laban sa karahasan, pinsala sa katawan, pagbabanta at pananakot mula sa opisyal ng gobryerno o sa pribadong mamamayan, grupo o institusyon;

Kalayaan mula sa pananakit;

Karapatan sa karampatang impormasyon;

Karapatan na ma-preserba ang sariling kultura at tinubuang identidad.

*Mula sa Primer on the UN Convention on the Protection of the Rights of All Migrant Workers