Ang Disneyland ng Pilipinas

Gusto mo bang maging batang muli? O baka naman gusto mong makibata sa mga anak mo? Hindi pa huli ang lahat. Kung sa palagay mo ay hindi kaya ng bulsa mo ang magpunta ng Disneyland, huwag iyon ang isipin mo sapagkat hindi na kailangang pumunta pa sa Tokyo, Japan o sa US para muli ay malasap ang ligaya ng isang batang paslit sa mundo ng walang katapusang laro at pantasya dahil mayroon na ring Disneyland ang Pilipinas. Saan ito? Walang iba kundi sa Enchanted Kingdom.

Ayon kay Clarence Manicad, PR Supervisor ng Enchanted Kingdom, ang tunay na enchantment ng park ay ang kakaibang magic nito na nagbibigay sa lahat ng bisita ng tsansa na maranasang muli kung papaano maging bata. O kung may mga anak ka na, ito rin ang panahon at paraan para mag-enjoy kang kasama nila-ang makibata-at iyon ang isa pang magic ng Enchanted Kingdom.

Bisita o guest ang tawag sa lahat ng kustomer na dumarating sa park. At tutuo nga naman, hindi ka lang basta nag-eenjoy pagpasok mo pa lang sa park, matamis na ngiti pa ang sasalubong sa iyo mula sa lahat ng staff na kung tawagin naman nila ay cast.

Alaga ng mga Experts

Kahit nasa ikatlong taon na ang park, kapansin-pansin ang hindi kumukupas na ganda nito. Mula sa kulay ng malaparaisong istraktura, hanggang sa performance ng mga rides, halos walang bakas ng edad o pagkupas. Paano ba naman ay hindi rin basta-basta ang pangangalaga sa

Sa Jungle Outpost mamamalas ang magubat na mundo ng Amazon kung saan naroon ang Jungle Log Jam, isang bangkang yari sa kahoy na naglalakbay sa dalawang matataas na labangan at mula doon ay babagsak sa tubig. Isang makapigil-hiningang karanasan ang sumakay dito dahil sa pagbagsak sa tubig ay para ka na ring dumayb sa mataas na talon at bumagsak sa tubig sa ilalim nito. Ang kaibahan nga lang ay nakasakay ka pa rin sa bangka.

park. "Bago mag-alas-diyes, ang opisyal na pagbubukas ng park, dalawang oras na tsinitsek ng mga staff ng maintenance department ang lahat ng pasilidad sa park. Meron din kaming sariling environmental custodians na nangangalaga naman sa paligid,"ani Clarence," Hindi lang iyon, lahat ng pasilidad dito ay nililinis araw-araw, bago at pagkatapos magbukas ng park," patuloy pa niya.

Dahil sa palaki na nang palaki ang bilang ng mga taong nag-eenjoy sa mga themeparks, napagpasiyahan ng Amtrust Holdings na ngayon ay Amtrust Leisure Corporation ang konsepto ng themepark sa Pilipinas.

Kinuha ng kumpanyan ang serbisyo ng Landmark Entertainment Group, ang pinakamalaking kumpanya na espesyalista sa pagde-design ng mga leisure parks sa buong mundo para mag-design ng Enchanted Kingdom. Isang taon pinag-aralan ng grupo ang disenyo ng park upang siguraduhin ang lubos na kasiyahang maidudulot nito sa sinumang bisitang papasok dito, bukod pa sa kasiguruhan ng kanilang kaligtasan.

Ang lahat ng themeparks sa buong mundo, ayon kay Clarence, ay talagang malayo sa lunsod. Ito ay upang masunod ang layunin nito na madala ang mga bisita sa kakaibang mundo ng saya--malayo sa ingay at usok ng syudad, kaya't ito ay itinayo sa Sta. Rosa, Laguna, upang ang hanging malalanghap ay sariwa, bukod pa sa pagiging malapit nito sa matulaing Mt. Makiling. Ngunit hindi naman ito sobrang malayo o malapit sa Maynila.

Ano ang ginagamit nilang marketing strategy? "Dahil sa ito ang unang themepark sa bansa, ang hinaharap naming hamon ay ang ipaalam sa mga tao ang tungkol sa Enchanted Kingdom. Kahit marami nang nakakarating dito, mayroon pa ring mga Pilipinong hindi pamilyar na may ganito nang themepark sa Pilipinas"

Bisitang pang Lahat

Ano nga ba ang kaibahan mo sa mga prominenteng anak ng mga pulitiko, mga aktor at aktres, sa dito at sa ibang bansa kapag ika'y nasa Enchanted Kingdom? Wala. Mula sa anak ng presidente, hanggang sa mga artista at basketbolista,kapag bumisita sa park ay nag-eenjoy hindi lamang sa rides at attractions kundi lalong-lalo na sa treatment na ibinibigay sa kanila. Nirerespeto dito ang kanilang privacy at nag-eenjoy silang katulad ng ibang bisita. Madalas pumunta dito si Dayanara Torress tuwing may bisita siyang galing sa Puerto Rico. Nag-enjoy naman bilang pamilya sina Martin and Pops Nievera at ang kanilang mga anak. Kamakailan lamang ay bumisita doon si Claire Danes, ang teen-age female lead ng Hollywood hit na Romeo and Juliet.

Kahit sino ka man, bata, matanda, dalaga, o binata, walang sinisino ang ligayang ipinagkakaloob ng magic na matatagpuan sa Enchanted Kingdom. Ito marahil ang dahilan kung bakit parang pantay-pantay ang pakiramdam mo sa lahat ng mga bisita at cast sa park.

NEXT