Patapos ng Graduation

WANTED:Doing things well.
REWARDS:Plenty.

Sinong Pilipino kaya ang hindi nakaalam, nakasakay o nakakita man lamang ng jeepney? Ang pangunahing sasakyan nating mga Pilipino na ipinanganak mula sa pagiging mahusay at malikhain ng mga naunang henerasyon. Tinatawag itong 'hari ng lansangan' at tunay na sumasalamin sa malalim na kulturang Pinoy. Ang kanyang disenyo ay makulay at puno ng buhay, may ibig sabihin, may ibig ipakahulugan, nagpapahayag, nagpapahiwatig, nagpapakilala at higit sa lahat ay kumakatawan sa diwa at isipang Pilipino na patuloy nating ibinubuhay. Ang JEEP din ang sasakyang nais ni Vice President Joseph "Erap" Ejercito Estrada na magdala sa bawat Pilipino patungo sa inaasam na pambansang pag-unlad, kapayapaan, katarungan at pagkakaisa. Ang JEEP ay kumakatawan sa Juctice Equality Economy Progress.

Mula sa Pagbabalik ng Demokrasya...

Sa nakaraaang dekada na pinaglakbayan ng ating bansa, nasaksihan natin ang kakaibang transpormasyon nito mula sa diktadurang rehimeng US-Marcos na napatalsik ng pamoso at makasaysayang People Power sa EDSA, tungo sa isang demokratikong gobyerno. EDSA Revolution, isang uri ng mapayapang paraan ng rebolusyon na sa halip na gumamit na dahas ng armalite, tangke, kanyon o anupamang mapamuksang gamit ng mga militar ay nagbuklod sa halos lahat ng mga Pilipino na magkaisa tungo sa iisang layunin na maghahatid palapit sa pambansang pagpapanibago. Akbay-akbay, sama-sama, tulong-tulong na ipinamalas ng halos lahat ng sektor ng lipunan: obrero, maralitang taga-lunsod, kapitalista, militar, madre, pare, mediaman at ng mga pangunahing namiminuno sa pamahalaan ang lakas ng pagkakaisa. Ipinamalas nito sa mundong tumutunghay sa bawat pintig ng pangyayari, na ang pagbabago ay maaaring makamit sa pamamagitan ng mapayapang rebolusyon, na walang dugong dadanak at hindi mangangailangan ng dahas.

Itinalagang Pangulo ng Pilipinas ng nasabing rebolusyon si Corazon C. Aquino, na lalong kilala bilang Cory, ang maybahay ng napaslang na dating Senador Benigno "Ninoy" Aquino. At hayagang sinasabi ng ilan na ang bahaging yaon ng kasaysayan ang nagpanumbalik sa tinatawag na tunay na demokrasya, o kalayaaan sa bansa. Ito ay ang kalayaan sa pagsasalita (freedom of speech) at pagpapahayag (freedom of the press) na hindi tinamasa sa nakaraang administrasyon sapagkat mahigpit na sinisikil, sa layuning iligaw o lasunin ang kaisipan ng mga mamamayan hingggil sa tunay na isyung kinakaharap ng bansa. Si dating Pangulong Corazon Aquino ay nagsilbi sa bansa mula noong Feb.1986- June 1992.

At Pagpapanibagong Sigla ng Ekonomiya...

Bago mawala sa puwesto si Cory, sinigurado niya muna na ang papalit sa kanya bilang pangulo ng bansa ay mula sa kanyang sariling rekomendasyon. Kaya naman pinili niya si dating Defense Secretary Fidel V. Ramos, na malaki ang naging papel sa kanyang administrasyon. Naguna siya sa pagpigil ng ilang pagtatangka ng mga leftist-separatist military group upang ibagsak ang kanyang pamahalaan sa pamamagitan ng madugong kudeta (coup-de-etat), upang maging opisyal na kandidato ng administrasyon sa halalang pampanguluhan noong May 1992. Gaya ng inaasahan, nagwagi si Fidel V. Ramos bagaman ito ay pinagpasiyahan lamang ng kakaunti o minority votes.

Sa ilalim ng gobyernong Ramos, pinagbuti niya ang pakikipag-ugnayang panlabas, at walang sawang itinaguyod ang pandaigdigang kalakalan sa pamamagitan ng walang humpay na paglalakbay sa halos lahat ng panig ng daigdig upang makuha ang tinatawag ng investor's confidence at ipaalam sa kanila na ang Pilipinas ay handang makipagkalakalan, at sa kanyang sariling pananalita ay sinasabing "back to business in the heart of Asia". Pinasigla nito ang ekonomoiya ng bansa at nagbalik ng tiwala sa mga dayuhang mamumuhunan na magtayo ng negosyo sa Pilipinas, na mangangahulugan naman ng opurtunidad sa empleyo, buwis, inprastraktura at iba pang kaugnay nito para sa mga Pilipino.

Sa madaling salita ay itinaguyod at isinulong ng kanyang administrasyon ang tatlong pangunahing layunin patungo sa diumano'y kaunlaran ng bansa: globalisasyon, pribatisasyon, deregulasyon. Bagaman at ang direktang epekto ng kanyang mga programa ay patuloy na pinagdedebatihan ng mga ekonomista, business sector, consumers at iba't-ibang awtoridad ukol dito. Opisyal na magtatapos ang termino ni FVR sa darating na June, 1998

TUNGO SA PAG-UNLAD NG MASA...

Sa ngayon ay nahaharap na naman ang bansa sa halalang pampanguluhan. At gaya ng inaasahan, marami ang nagpalista ng kandidatura sa Commission on Election (COMELEC). Bagaman marami ang naghahangad ng pinakamataas ng posisyon sa bansa, iilan lamang sa kanila ang tunay na kuwalipikado, may matatag at malawak na partidong mapanghahawakan, at higit sa lahat ay may sapat na kakahayan at karanasan upang mamuno sa mahigpit 70 milyong Pilipino patungo sa susunod na siglo. Sa lahat ng katangiang ito ay may isang taong kumakatawan, at ito'y walang iba kundi ang kasalukuyang Pangalawang Pangulo Joseph "Erap" Estrada.

Sino nga ba ang hindi nakakakilala kay Erap? Mula sa kanyang maraming taon bilang pangunahing aktor sa pinilakang tabing, sa pagiging aktibo sa maraming socio-civic organizations, sa mahabang taon ng paninilbihan bilang mayor ng San Juan, Metro Manila, sa isang termino sa Mataas na Kapulungan (Senado) at hanggang sa pagiging Bise-Presidente ng Pilipinas, siya ay sinuportahan at inuluklok ng taumbayan na kanyang pinaglilingkuran. Pinagtiwalaan siya sa hindi kakaunting pagkakataon upang mamuno sa ilang maseselang gampanin ng gobyerno na nangangailangan ng matalinong pag-iisip, mabilis na aksiyon at malawak na karanasan.

Si Joseph "Erap" Estrada, isang subok at maasahang opisyal ng pamahalaan, na ang puso ay nabibilang sa mas nakararaming mahihirap, ay nagpasyang tumakbo bilang Pangulo ng Republika ng Pilipinas sa ilalim ng partidong Laban ng Makabayang Masang Pilipino (LAMMP)

NEXT